Polis paltarı geyinib terminalları soydu

Azərbaycan vətəndaşı Rusiyanın İjevsk şəhərində dələduzluq edib. Avtosfer.az-ın oxu.az-a istinadən xəbərinə görə, bu barədə İjevsk prokurorluğunun məlumatında deyilir. Bildirilir ki, ittiham edilən şəxs martın 3-də dayanacaqlardakı pavilyonlarda satıcılara yaxınlaşaraq, özünü polis əməkdaşı kimi təqdim edib.  O, xüsusi əməliyyat-axtarış tədbirlərinin keçirildiyini deyərək, birja terminallarını götürüb.  Bununla da, Azərbaycan vətəndaşı naməlum şəxslərlə Vorovski və Puşkinski küçələrində iki terminalı aparıblar. Dələduzlar terminalları kirayələnmiş avtomobillərdə ərazidən uzaqlaşdırıblar. Lakin cinayətkarların üçüncü cəhdi alınmayıb. Lenin küçəsində satıcı onlardan vəsiqələrini tələb edib və sonuncular qaçmağa məcbur qalıblar. Dəstə üzvlərinin vurduğu ziyan 125 min rubl (3 min manat) dəyərində qiymətləndirilib.