Polis Xırdalanda partlayıcı pirotexniki vasitələr aşkarlayıb

Xırdalanda polis tərəfindən partlayıcı oyuncaqlar və pirotexniki vasitələr götürülüb. Bu barədə Avtosfer.az-a DİN mətbuat xidmətindən məlumat verilib.

Məlumatda bildirilib ki, polis əməkdaşları insanların sağlamlığına zərər vuran, ictimai asayişin pozulmasına səbəb olan və əhalinin istirahətinə maneə yaradan partlayıcı və tezalışan maddələr və pirotexniki məmulatların satışı və istifadəsinin qarşısının alınması istiqamətində tədbirləri davam etdirir.

Baş İctimai Təhlükəsizlik İdarəsi əməkdaşlarının keçirdikləri növbəti reydlər zamanıXırdalan şəhəri ərazisindəki mağazaların birindən 3650 ədəd müxtəlif çeşiddə yüksək səsyayıcı xüsusiyyətə malik partlayıcı pirotexniki vasitələr aşkar edilərək götürülüb.

Bu istiqamətdə tədbirlər davam etdirilir.