Polis xüsusi əməliyyat keçirdi: 7 ölü

Venesuelanın paytaxtı Karakasda milli polisin xüsusi təyinatlıları tərəfindən aparılan əməliyyat nəticəsində azı 7 nəfər öldürülüb, 60 nəfər saxlanılıb. Avtosfer.az “Report”a istinadən xəbər verir ki, bunu çərşənbə axşamı ölkənin daxili işlər naziri Nestor Reverol bildirib. Nazirin sözlərinə görə, əməliyyat quldurların zabitə hücum edərək silahını almaları və onun üz nahiyəsinə atəş açmalarından sonra həyata keçirilib. "Globovision" kanalının məlumatına görə, ehtimal edilən cinayətkarların gizləndiyi bina polis tərəfindən mühasirəyə alınıb. "Canilərdən bəziləri xüsusi təyinatlılarla silahlı toqquşmaya girib və 7 nəfər ölüb", - deyə Reverol bildirib.