Polislərə gülmək qadağan olundu

Hindistan hökuməti son vaxtlar yerli aeroportlarda polis əməkdaşlarının göstərdiyi hədsiz mehribanlığın qarşısını almaq qərarına gəliblər və onlara gülməyi qadağan ediblər. Avtosfer.az oxu.az-a istinadən xəbər verir ki, bununla bağlı BBC məlumat yayıb. Aviareyslərin və pilotların təhlükəsizliyinə məsul olan Hindistan Sənaye Təhlükəsizliyi Mərkəzi Qüvvələrinin rəhbərliyi əməkdaşlarının mehribanlıqdansa, daha ayıq olmasını istəyir. Nəşrin məlumatlarına görə, bu, Hindistan hökumətinin təhlükəsizlik xidmətlərindən xarici görünüşlə bağlı ilk tələbi deyil. İyulda Karnataka ştatının polis idarəsi zabitlərdən əlavə çəkidən azad olmağı istəyib, əks halda onlar işdən uzaqlaşdırılmalı idi.