Polislərə hücum olundu - 6 ölü, 4 yaralı

Əfqanıstanın paytaxtı Kabildə "Taliban" radikal qruplaşması polis əməkdaşlarına hücum edib.

Avtosfer.az-ın Trend-ə istinadən məlumatına görə, hadisə nəticəsində 6 polis qətlə yetirilib.

Daha dörd nəfərin yaralandığı bildirilir.

Qeyd edək ki, bir müddət əvvəl Əfqanıstan Prezidenti Əşrəf Qəni "Taliban"la atəşkəs rejiminin dayandırıldığını və hərbi əməliyyatların bərpa edildiyini bildirmişdi.