Prezidentinin təyyarəsi satışa çıxarıldı

Meksika prezidenti Andres Manuel Lopes Obradorun “Boeing 787 Dreamliner” təyyarəsi Kaliforniyada satışa çıxarılıb. Avtosfer.az oxu.az-a istinadən xəbər verir ki, bununla bağlı “Telemundo” telekanalı məlumat yayıb. Bildirilib ki, Dövlət işləri və xidmətləri milli bankının rəhbəri Xorxe Mendosa təyyarənin hərbçilərin idarəsi ilə San-Bernardino şəhərinə uçacağını və satılana qədər burada qalacağını deyib.  “O, Kaliforniyaya uçur və satışa çıxarılır”, - Meksika hökumətinin “Twitter” hesabında bildirilib.  Bir müddət əvvəl Meksikada keçirilən prezident seçkilərində qalib gələn A.Obrador bəyan etmişdi ki, prezident təyyarəsindən istifadə etməyəcək və yalnız kommersiya reysləri ilə uçacaq.