Professor: "İctimai nəqliyyatda vərəm yayıla bilər"

Türkiyəli professor Sərdar Kalemci qapalı və sıx yerlərdə bir sıra xəstəliklərin yayılma riskindən danışıb. Avtosfer.az sputnik.az-a istinadən xəbərinə görə, S.Kalemci belə soyuq aylarda qriplə yanaşı ən təhlükəli xəstəliklərdən biri hesab edilən vərəmin də yayılma riskinin yüksək olduğunu bildirib: "Günəş şüaları vərəm mikroblarını qısa müddətdə öldürə bilir. Bu səbəbdən açıq havada vərəmin yayılma riski nisbətən aşağıdır. Lakin açıq hava məkanlarından fərqli olaraq qapalı yerlərdə xəstəliklərin yayılma ehtimalı daha yüksək olur. Qriplə yanaşı vərəm xəstəliyi də belə qapalı mühitldə rahatlıqla yoluxa bilər. Bəzən bu xəstəlik özünü 1 aya, 1 ilə, bəzən də 10 ilə göstərə bilir". Həkimin sözlərinə görə, bu xəstəlik əşyalar vasitəsi ilə deyil, hava axını vasitəsi ilə yayıla bilər.