Pulu çatmadı, taksi sürücüsünü öldürdü – FOTO + VİDEO

Moskvada polis əməkdaşları paytaxtın mərkəzində taksi sürücüsünü qətlə yetirməkdə şübhəli bilinən şəxsi saxlayıb. Avtosfer.az oxu.az-a istinadən xəbər verir ki, bu haqda “Ren” TV məlumat yayıb. Məlumata əsasən, sərnişin olan həmin şəxs gediş haqqını ödəyə bilməyib və sürücü ilə düşən mübahisənin gedişində sürücünü bıçaqla ölümcül yaralayıb. Sürücü aldığı yaralardan hadisə yerində keçinib, cinayətkar aradan çıxıb. O, başqa taksi tutmağa çalışan zaman hüquq-mühafizə orqanları əməkdaşları tərəfindən saxlanılıb. Bəzi məlumatlara görə, saxlanılan şəxs mühəndis Ş.Alekseydir. O iş yoldaşları ilə Yeni il şənliyindən sevgilisinin yanına qayıdan zaman məlum insident yaşanıb. Şübhəli şəxs barədə cinayət işi açılıb, istintaq davam etdirilir.  Dindirilməsi zamanı cinayətkar taksi sürücüsü ilə mübahisənin xırda məsələ ucbatından düşdüyünü etiraf edib.