Qablaşdırılmış meyvə şirələri ölüm riskini artırır

Şirin suların, o cümlədən qablaşdırılmış meyvə şirələrinin içilməsi 45 yaşdan yuxarı şəxslərdə vaxtından əvvəl ölüm riskini artırır. Avtosfer.az medicina.az-a istinadən xəbər verir ki, bu barədə ABŞ-ın Emori Universitetinin bir qrup mütəxəssisinin araşdırmasında qeyd edilib. Məlumata görə, təcrübə 6 il müddətində 18 minə yaxın könüllü üzərində aparılıb. Müşahidə nəticəsində məlum olub ki, günə orta hesabla bir litr meyvə suyu içən şəxslər ürək xəstəliklərindən iki dəfə daha çox vəfat edib. Bu müşahidələrdə ürək xəstəliyindən və diabetdən əziyyət çəkən şəxslər iştirak etməyib.