Qadına qarşı soyğunçuluq edən şəxs saxlanılıb - FOTO

Abşeronda 25 yaşlı gənc təqaüdçü qadına qarşı soyğunçuluq edib. Avtosfer.az-ın “Report”a istinadən məlumatına görə, hadisə Məmmədli kəndində baş verib. Belə ki, kəndə gələn təqaüdçü Aypara Mütəllimova dükanlardan birindən ət almaq istəyərkən naməlum şəxs onun portmanatını götürərək qaçıb. Hüquq-mühafizə orqanları tərəfindən keçirilmiş əməliyyat-axtarış tədbirləri zamanı soyğunçuluq cinayətini törədən 25 yaşlı Ruhan Zülfüqarov saxlanılıb. Faktla bağlı cinayət işi açılıb, araşdırma davam etdirilir.