Qara dənizdə mülki gəmilər üçün təhlükəsizlik dəhlizi yaradıla bilər

Türkiyə sahillərində tankerlərə edilən hücumlardan sonra hərbi gəmilərin mülki nəqliyyat vasitələrini müşayiət etməsi üçün Qara dənizdə təhlükəsizlik dəhlizi yaradıla bilər.

Avtosfer.az xəbər verir ki, bunu "CNN Türk"ə təhlükəsizlik üzrə ekspert Günger Yavuzaslan deyib.

Onun sözlərinə görə, Türkiyə Hərbi Dəniz Qüvvələri mülki gəmiçiliyin təhlükəsizliyini təmin etmək vəzifəsini öz üzərinə götürə bilər.

Hərbi ekspert Can Erenoğlu da oxşar fikir səsləndirib.

"Dünyada açıq dənizlərdə mülki gəmilərin hərbi müşayiət nümunələri var. Türkiyə sahillərində tankerlərə edilən son hücumlarla əlaqədar bu cür tədbirlər Qara dənizdə həyata keçirilə bilər", - deyə ekspert NTV telekanalına açıqlamasında bildirib.