“Qarabağ” çempion oldu

Bu gün Topaz Premyer Liqasının XXIV turunda “Səbail” və “Kəpəz” komandaları üz-üzə gəlib.

Avtosfer.az  xəbər verir ki, turnir cədvəlinin aşağı pilləsində qərarlaşan iki klub arasında keçirilən matç 1:1 hesabı ilə yekunlaşıb. “Kəpəz”in heyətində 19-cu dəqiqədə Dario Federiko fərqlənib, “Səbail” bu qola cəmi 5 dəqiqə sonra Faruk Miya ilə cavab verib.

 Günün digər matçlarında “Sumqayıt” “Qarabağ”ı, “Neftçi” isə “Qəbələ”ni qəbul edir. Hər iki oyunda ilk hissə oynanılır.

Qeyd edək ki, “Neftçi” “Qəbələ”ni Ruslan Abışovun qolu ilə 1-0 məğlub edib. "Qarabağ" isə "Sumqayıt"ı eyni hesabla üstələyib. Oyunda yeganə qolu Dani Kintana vurub. Bu nəticə ilə "Qarabağ" klubu Topaz Premyer Liqasının çempionu olub.

Avtosfer.az