Qasırğa 300 min istehlakçını işıqsız qoydu

Kanadanın qərbində, Britaniya Kolumbiyası əyalətində güclü qasırğa səbəbindən təqribən 300 min istehlakçı işıqsız qalıb. Avtosfer.az-ın Trend-ə istinadən məlumatına görə, sürəti 30 m/san olan külək bir çox ərazilərdə ağacları kökündən qoparıb. Bir çox reyslər təxirə salınıb, bərə nəqliyyatı dayandırılıb. Təbii fəlakət nəticəsində Dunkan şəhərində bir nəfər ağacın altında qalaraq ölüb. Hazırda elektrik enerjisi təchizatının bərpa olunmasına müvafiq idarənin 550 əməkdaşı cəlb olunub.