Qasırğa zamanı mağazaları talan edən 5 nəfər həbs olunub

ABŞ-da "Florens" qasırğası zamanı mağazaları talan edən şəxslər həbs olunub. Avtosfer.az "Report"a istinadən xəbər verir ki, bu barədə Uilminqton şəhərinin polisi məlumat yayıb. Bildirilir ki, polis bu cinayətlə bağlı 5 nəfəri həbs edib. Qeyd edək ki, "Florens" qasırğası artıq 11 nəfərin həyatına son qoyub, habelə bir sıra şəhərlərə ciddi ziyan vurub. Ağ Evin mətbuat katibi Sara Sanders bildirib ki, ABŞ rəhbəri Donald Tramp gələn həftə təbii hadisədən zərər çəkən ərazilərə səfər etmək niyyətindədir.