Qəzada ölən azərbaycanlı müğənninin həmin kadrlarına baxa bilmədi - VİDEO

"ŞOU ATV" proqramında Nanə Ağamalıyevanın qonağı olan Elton Hüseynəliyev aparıcının "sürpriz"i ilə qarşılaşıb. Avtosfer.az milli.az-a istinadən xəbər verir ki, Nanə 13 il öncə qardaşının toyundan qayıdarkən qəzaya düşərək dünyasını dəyişən Şəfa ilə bağlı hazırlanmış süjeti təqdim edib. Vaxtı ilə bir restoranda Eltonla çalışan Şəfanın kadrları onu kövrəldib. Qəza kadrlarını görən Elton gözünü yumaraq, qəhərini gizlətməyə çalışıb. E.Hüseynəliyev Şəfa barədə bunları deyib: "Şəfa qəzaya düşəndə mən getdim xəstəxanaya. Özümdən asılı olmadan girdim otağa. Onu görəndə bir anlıq özümdən getdim. Bir də ayıldım ki, həkim mənim üzümə şillə vurur ki, "Sən hara girmisən? Burada sənin nə işin var?" Çıxartdılar məni otaqdan. Sonra qardaşının yanında girdik, o, yaxşı idi bir az. Şəfa çox mərd qız idi, yaxşı insan idi. Şəfanın mənə elə bir böyük dəstəyi olmayıb, amma o çalışıb ki, mənə dəstək olsun".