Qidaları necə saxlamaq lazımdır? - QAYDALAR

Çoxumuz bir dəqiqə belə düşünmədən qidalarımızı və paltarlarımızı istədiyimiz şkaflara yerləşdiririk. Avtosfer.az teleqraf.com-a istinadən xəbər verir ki, mütəxəssislər qeyri-münasib yerə qoyulan əşyaların daha tez xarab olduğunu deyirlər. Çoxları fındıq kimi çərəzləri mətbəxt şkafında saxlayır, amma bu cür quru qidaları uzun müddət saxlamaq və ləzzətini qorumaq üçün soyuducuya yerləşdirmək lazımdır. Bir çoxlarımız yumurtanı soyuducunun qapısında saxlayırıq. Amma bura yumurtalar üçün çox pis yerdir. Mütəxəssislər deyir ki, soyuducunun tez-tez açılıb bağlanması səbəbindən hava dəyişdiyi üçün yumurtalar təzəliyini qoruya bilmir. Yumurta istiliyin sabit olduğu bir yerdə saxlanılmalıdır. Unu istifadə etdikdən sonra təkrar paketində saxlamadan, hava keçirməyən bir qaba qoymaq lazımdır. Çünki unu paketdə saxlamaq mikrob yaranmasına gətirib çıxarır. Eyni zamanda daha da yetkinləşib yetişmə dövrü keçirdiyi üçün avokadonu soyuducudan kənarda saxlamaq lazımdır. Nəhayət, paltarlarımıza gəlincə isə, onları doğru yerdə, yəni paltar şkafında saxlayırıq. Ancaq paltarları yay-qış olaraq ayırmaq lazımdır. Beləliklə şkafınızı istifadə etmədiyiniz əşyalardan təmizləməklə paltarlarınızın nəfəs almasına səbəb olacaqsınız.