“Qızıllarını oğluma verib ki, satıb Bakıda kirayə ev tutsun” - VİDEO

Bir neçə gün öncə Qubanın Tülər kəndində linç edilərək öldürülən 25 yaşlı Elşad Əsədovun qətli ilə bağlı yeni məqamlar üzə çıxıb. Avtosfer.az-ın “Qafqazinfo”ya istinadən verdiyi məlumata görə, dəhşətli qətlin qurbanı olan Elşadın atası bildirib ki, oğlunun qaçırdığı qadın əmisi oğlunun həyat yoldaşı olmayıb. “Oğlumun qaçırdığı gəlin əmisi oğlunun arvadı deyil. Biz əmioğlu deyilik. Beş şəcərə gedib bunun üstündən”, - deyə o, söyləyib. Mərhumun anasının sözlərinə görə, bu işdə günahkar iki uşaq anası olan Aynurdur: “Qızıllarını oğluma verib ki, satıb Bakıda kirayə ev tutsun. Bu fikir oğlumun deyil, qızındır. Ozü də istintaqda deyib ki, Elşadı buna məcbur edib. Ona 16 sevgi məktubu yazıb, hamısı istintaqdadır”. Qeyd edək ki, faktla bağlı artıq sözügedən qadının atası, qayını və əri daxil olmaqla 5 nəfər həbs edilib.