Qohumunu silahla hədələyən şəxs saxlanılıb - Qazaxda

Qazax rayonunda qohumunu silahla hədələyən şəxs saxlanılıb. Bu barədə Avtosfer.az-a Daxili İşlər Nazirliyinin mətbuat xidmətindən məlumat verilib. Məlumatda bildirilib ki, oktyabrın 30-da Qazax Rayon Polis Şöbəsinə (RPŞ) müraciət edən Aslanbəyli kənd sakini O.Çələbiyev həmin gün sərxoş halda yaşadığı evə gələn Kamandar adlı qohumunun tüfənglə onu öldürəcəyi ilə hədələdiyini bildirib. Rayon sakini Kamandar Nəsibov polis əməkdaşları tərəfindən saxlanılıb, ondan tir tüfəngi götürülüb. Faktla  Rayon Polis Şöbəsində araşdırma aparılır.