Qonşu qadınlar arasında əlbəyaxa dava olub - Bakıda

Paytaxtın Binəqədi rayonu ərazisində qadınlar arasında dava baş verib. “Report” xəbər verir ki, 1977-ci il təvəllüdlü Quliyeva Solmaz Qarabala qızı qonşuluqda yaşayan qadınla əlbəyaxa olub. Nəticədə S.Quliyeva ağır kəllə-beyin travması alaraq 1 saylı Kliniki Tibbi Mərkəzə yerləşdirilib. Onun vəziyyəti orta-ağır kimi qiymətləndirilir. Faktla bağlı Binəqədi Rayon Polis İdarəsinə məlumat verilib.