Qonşuluqdakı paytaxt hər il 25 santimetr çökür - HƏYƏCAN

İranın paytaxtı Tehran hər il 25 santimetr çökür. Avtosfer.az sputnik.az-a istinadən bildirir ki, bu haqda İran İnşaat Araşdırmaları Mərkəzi məlumat yayıb. "Nature" dərgisində yayımlanan məlumata görə, 2003-2017-ci illərdə çəkilən peyk görüntüləri araşdırılıb. Kəndəki yol və binalarda çatlar, bəzi bölgələrin isə hər il 25 santimetr çökdüyü, dərinliyə batdığı qeyd olunub. Məlumata görə, bu çatların yaranmasının əsas səbəbi şəhərin çökməsi ilə əlaqədardır. Alimlər Tehranın çökməyə görə dünyada ən üst pillələrdə qərarlaşdığını bildirib. Bundan başqa qeyd olunub ki, yağmur sularının dərin çuxurlara dolduğu, torpağın kifayət qədər sulanmadığı da diqqətə çatdırılıb. ALimlərin sözlərinə görə, şəhərin getdikcə çökməsinin əsas səbəbi əhalinin artımı və bununla əlaqədar olaraq yenidənqurma işlərin geniş vüsət alması olub.