Robot texnikası 58 milyon yeni iş yeri yaradacaq

ünya İqtisadi Forumu yeni hesabat dərc edib. Avtosfer.az "Azərtac"a istinadən xəbər verir ki,  2025-ci ilədək robotlar işlərin əksər hissəsini (51 faiz) yerinə yetirəcək. Hesabatda göstərilir ki, robot texnikası 58 milyon yeni iş yeri yaradacaq. Məlumata görə, böyük şirkətlərdə çalışan əməkdaşların 54 faizi peşəsini dəyişmək və ya bacarıq səviyyəsini artırmaq məcburiyyətində qalacaq. Hesabata görə, gələcəkdə operator, mühasib, inzibatçı, katib, quraşdırma müəssisələri işçisi, auditor, poçt xidmətləri əməkdaşı, sifarişçilərlə iş üzrə xidmət operatoru, anbar uçotu operatorları və s. kimi peşələrə tələbat azalacaq. Yeni peşələr isə məlumat analitiki, süni intellekt və robotların öyrədilməsi üzrə mütəxəssis, proqram təminatı tərtibatçısı, satış və marketinq üzrə mütəxəssis, iritutumlu məlumatlarla iş üzrə, rəqəmli texnologiyalara keçid üzrə və yeni texnologiyalar üzrə mütəxəssis və s. olacaq.