Robotlar yanğın da söndürəcək - VİDEO

Gələcəkdə robotlar insanları bir çox sahələrdə əvəzləyəcək. Deyəcəksiz ki, onda insanlar iş yerini itirəcək, hüququ tapdalanacaq və sair. Avtosfer.az  xəbər verir ki, bəzi sahələrdə robotların olması  həddən artıq vacibdir. Məsələn, xilasetmə işlərində insanlar üçün risk daha çox olur.

Sfera.az xəbər verir ki,  İtaliya Texnoloji Universitetinin mühəndisləri "WALK-MAN" adlı robot-yanğınsöndürən hazırlayıblar. Robot ilk sınaqları uğurla keçib. "WALK-MAN" özü müstəqil hərəkət etmir - onun bütün hərəkətlərini uzaqdan operator nizamlayır. Robot istənilən üsulla yanğını söndürür. Bu robot balta ilə, yanğınsöndürən balonla yol açıb insanları xilas edə biləcək.

Robotun başında videokamera və mikrafonlar var, hansı ki, görüntünü operatora ötürür. Robotu bədənin müxtəlif hissələrindəki 32 mühərrik hərəkətə gətirir.

"WALK-MAN"-ın hündürlüyü 185 sm, çəkisi 102 kq-dır. Bir dəfə enerji almaqla 2 saat çalışa bilir.

Avtosfer.az