“Ruhla danışırdı ki, ayın 1-i ordayam”: Dediyi vaxtda ölən əməkdar artistin qardaşı danışdı – VİDEO

ARB TV-nin "Öz evimizdir" proqramının ilk buraxılışı mərhum sənətkar, əməkdar artist Həsənağa Sadıqova həsr olunub. Avtosfer.az milli.az-a istinadən bildirir ki, proqramda sənətçinin yaxınları Həsənağa Sadıqovun keçdiyi həyat yolundan, onun sənətindən söz açıblar. Həmçinin sənətkarın son günlərindən də danışılıb. "Ölümündən bir müddət qabaq çəkiliş gəlmişdi. Atamın, babamın məzarı üstünə apardı. Dedi ki, mən də bura gələcəm. Həmin yerdə də dəfn olundu. Rəhmətə getməzdən bir müddət əvvəl elə bil ki, kimlərləsə danışırdı. Hiss etdik ki, babamla danışır. Deyirdi ki, darıxma gələcəm, ayın 1-i ordayam. Avqustun 1-i deyirdi. Ayın 1-ində də rəhmətə getdi", - deyə Həsənağa Sadıqovun qardaşı Əlifağa Sadıqov bildirib.