Rusiya ilə Misir arasında birbaşa hava əlaqəsi bərpa edilib

Rusiya Misirlə birbaşa hava əlaqəsini bərpa edib. Bu barədə Trend RİA Novosti-yə istinadən xəbər verir. Məlumata əsasən, 2,5 il fasilədən sonra ilk təyyarə Moskvanın "Şeremetyevo" hava limanından Qahirəyə uçub. SU400 reysini yerinə yetirən təyyarə Moskva vaxtı ilə 21:05-də havaya qalxıb. İlk reyslə Misirin paytaxtına 120-ə yaxın sərnişin uçub. İki ölkə arasında hava əlaqəsi 2015-ci ilin payızında "Koqalımavia" aviaşirkətinin təyyarəsinin Sinay yarımadasının üstündə qəzaya uğramasından sonra kəsilmişdir.