Rusiyada sürücülərə qarşı kütləvi reydlər başlayır – ŞOK SƏBƏB

Rusiyada yol müfəttişləri sürücülərə qarşı kütləvi reydlərə başlayıb.

Avtosfer.az xəbər verir ki, federasiyanın böyük hissəsini əhatə edən reydlər yaxın günlərdə də həyata keçiriləcək.  Reydlər zamanı təsadüfi deyil, kiçik istisnalarla bütün avtomobillər yoxlanacaq. Rəsmi məlumata görə, məqsəd ilk növbədə sərxoş sürücülərin aşkar edilməsidir.

Reyd zamanı başqa ölkələrin nəqliyyat vasitələri də istisna təşkil etməyəcək. Bunu nəzərə alaraq azərbaycanlı sürücülərin də yoxlanacağını deyə bilərik.

Avropa mənbələri isə başqa nüansdan xəbər verir. İddia olunur ki, qayda pozuntuları aşkarlandıqda ənənəvi üsullardan istifadə ediləcək: sərxoş, böyük həcmdə ödənilməmiş cəriməsi olan, yaxud kredit borcunu ödəməyən sürücülərin xətaları bağışlanacaq, borcları isə silinəcək. Bir şərtlə ki, sürücü Müdafiə Nazirliyi ilə “könüllü” müqavilə bağlasın. Sonrası hamıya məlumdur.

Vüqar Yaşaroğlu