Rusiyada yanacaq qıtlığından qazananlar da olacaq - FOTO

Rusiya Federasiyasında yanacaq böhranı dərinləşir.

Avtosfer.az “Rosstat”a istinadla xəbər verir ki, son həftədə yanacağın pərakəndə satış qiymətləri 2-3 faiz arasında artıb. 

Yanacaq növbələri və məhdudiyyətlər indi istisnasız olaraq bütün regionları əhatə edir. Yanacaq satışına bu və ya digər formada məhdudiyyət qoyulub: məsələn, bir çox regionda yanacaq satışı gtünlərin avtomobilin nömrə nişçanına uyğunlaşdırılıb (cüt nömrə cüt gün, tək nömrə tək). Bəzi yerlərdə isə satış ümumiyyətlə dayandırılıb. Jurnalistlərin araşdırması zamanı məlum olub ki, yanacaq almaq üçün növbədə azı 1 saat gözləmək lazım gəlir. 

Lakin, bu böhrandan da gəlir əldə edənlər tapılacaq. Rus mütəxəssislər iddia edirlər ki, böhran uzun davam edərsə Çin avtomobili alanlar ziyana düşəcək. 95 oktanlı benzin ümumiyyətlə tapılmır, 92 adı ilə satılan yanacğı real oktan ədədi isə ən yaxşı halda 80-dir. Avropa modelləri bu yanacağı birtəhər “həzm etsə də”, Çinin kiçikhəcmli turbo mühərrikləri üçün belə yanacaq “zəhər”dir.

Vüqar