Rusiyanın hava məkanında qarışıqlıq - FOTO - VİDEO

Rusiyanın hava məkanında gecə saatlarından başlayan qarışıqlıq hələ tam həllini tapmayıb.

Avtosfer.az xəbər verir ki, bu gün təkcə “Aeroflot” şirkəti Moskvaya və geriyə yüzdən artıq reysi ləğv edib. Digər şirkətlər də (o cümlədən Azal) çoxsaylı reysləri təxirə salıb. Təyyarələr havada ikən “kavyor” əməliyyatı başladığı üçün onlarla təyyarə Peterburqa və Kazana enib.

 Rusiyanın şimal paytaxtındakı Pulkovo hava limanında 50-dək təyyarənin tıxacı yaranıb. Trap çatışmazlığına görə sərnişinləri vaxtında düşürmək mümkün olmur. Samara, Kazan, Peterburq və Yekaterinburq hava limanlarının pasport nəzarətində böyük izdiham müşahidə olunur. 

Gecə saatlarında Pakistan və Hindistan hava məkanını bağladığı üçün Asiya regionuna uçan təyyarələr Özbəkistan aeropoprtlarına eniş edib. Burada bir neçə saat gözləyən təyyarələr geriyə - Rusiyaya qayıdıb.

Vüqar Yaşaroğlu