Rusiyaya gedən sürücülərlə bağlı vacib dəyişiklik

Rusiya Federasiyası Hökumətinin 27.04.2026-cı il tarixli 467 nömrəli Qərarına əsasən, Müstəqil Dövlətlər Birliyi (MDB) üzv dövlətlərinin və Gürcüstanın vətəndaşı olan, beynəlxalq avtomobil daşımalarını həyata keçirən peşəkar sürücülərin Rusiya Federasiyası ərazisində vizasız müvəqqəti qalma müddəti bir təqvim ili ərzində ümumilikdə 180 günədək artırılmışdır. Avtosfer.az Musavat.com-a istinadən xəbər verir ki, bildirilmişdir ki, həmin müddət yalnız müəyyən edilmiş qaydada elektron müraciətin təqdim olunması əsasında tətbiq ediləcəkdir.

Qərar 30.06.2026-cı il tarixindən qüvvəyə minir.

Eyni zamanda, aidiyyəti kateqoriyaya daxil olan sürücülər Rusiya Federasiyasına giriş və ölkədə qalma məqsədilə müraciəti elektron formada, dövlət xidmətləri portalı (RuID) vasitəsilə təqdim etməlidirlər. 

Müraciət zamanı tələb olunan sənədlərin siyahısı:

- Pasportun sürəti;

- Sürücülük vəsiqəsinin surəti

- Nəqliyyat vasitəsinin qeydiyyat şəhadətnaməsinin surəti;

- Beynəlxalq əmtəə-nəqliyyat qaiməsinin (CMR) surəti (yük avtomobili sürücüləri üçün)

- Müntəzəm sərnişin daşımalarının hərəkət cədvəli və ya sərnişinlərin siyahısı (avtobus sürücüləri üçün).