Sahil Mühafizə Xidməti 18,5 ton kokain müsadirə edib

ABŞ-ın Sahil Mühafizə Xidməti Meksika sahilləri yaxınlığında Sakit Okeanın neytral sularında 18,5 ton kokain müsadirə edib. Avtosfer.az Azərtac-a istinadən xəbər verir ki, ekipajları qaçaqmalçılıqda ittiham olunan 15 gəmi saxlanılıb. Gəmilərin yükü Florida ştatının Fort-Loderdeyl limanına aparılıb. Müsadirə edilən kokainin dəyəri 500 milyon dollar həcmində qiymətləndirilir. “Biz təhlükəsizliyimizə və sabitliyimizə təhdid törədən qanunsuz ticarətin qarşısının alınması üçün imkanlarımızı və digər dövlətlərlə əməkdaşlığımızı genişləndirməyə davam edəcəyik”, - deyə Sahil Mühafizə Xidmətinin nümayəndəsi bildirib.