Salyan sakininin həyətində güclü yanğın baş verib - FOTO

Ötən gün axşam saatlarında Salyan rayonunda yanğın hadisəsi baş verib. Avtosfer.az-ın "Report”a istinadən məlumatına görə, rayonun Qızılağac kəndi ərazisində 1966-cı il təvəllüdlü yerli sakin Cəfərov Rasim Habil oğluna məxsus ot tayası anidən alovlanıb. Hadisə yerinə FHN-in Salyan Yanğından Mühafizə Hissəsinə məxsus bir neçə yanğınsöndürən maşın və canlı qüvvə cəlb edilib. Onların səyi nəticəsində alovun yaxınlıqdakı tikililərə keçməsinin qarşısı alınıb. Hadisə zamanı 5 ədəd ot bağlaması yanaraq külə dönüb. Faktla bağlı araşdırma aparılır.