Şamaxıda 4 tələbə qəzaya düşdü

Şamaxıda minik avtomobilinin qəzaya uğraması 4 tələbənin xəsarət alması ilə nəticələnib. Avtosfer.az xəbər verir ki, hadisə rayonun Məlhəm kəndi ərazisində baş verib. "VAZ 21014" markalı minik avtomobili hərəkətdə olarkən sürücünün idarəetməni itirməsi nəticəsində  avtomobil Məlhəm kəndinin girişində məlumat lövhəsinə çırpılıb.

Hadisə nəticəsində 1996-cı il təvəllüdlü Quliyev Elmar Eldəniz oğlu və həmyaşıdları - Alışov Famil Fuad oğlu, Mustafayeva Pakizə Ədalət qızı müxtəlif dərəcəli bədən xəsarətləri alıb, Şamaxı rayon Mərkəzi Xəstəxanasına yerləşdiriliblər. Minik avtomobilində olan Şitayeva Tavat Mehman qızı isə daha ağır xəsarət alıb, koma vəziyyətindədir.

Xəsarət alanları Şamaxı rayonundakı ali təhsil müəssisələrinin birinin tələbələri olduğu bildirilir. Faktla bağlı araşdırma aparılır.