Şamaxıda minik avtomobili qoyun sürüsünə çırpılıb - VİDEO

Şamaxıda minik avtomobili qoyun sürüsünə çırpılıb. Hadisə Şamaxı-Göylər-Padarçöl yolunun Göylər kəndindən keçən hissəsində baş verib. Kənd sakinləri Ziya Muradov və Süracəddin Qasımova məxsus qoyun sürüsü örüş sahəsinə aparılarkən minik avtomobili idarəetmədən çıxaraq sürüyə girib. Hadisə zamanı 8 baş xırdabuynuzlu heyvan tələf olub, 8-i isə yaralanıb. Heyvan sahiblərinin sözlərinə görə, ümumilikdə onlara 4 min manat ziyan dəyib. Faktla bağlı araşdırma aparılır.