Samuxda yol tikintisinə 4 milyon manat ayrıldı

Prezident İlham Əliyev avqustun 4-də “Samux rayonunun Yenikənd-Köbər-Qaraağaclı avtomobil yolunun tikintisi ilə bağlı tədbirlər haqqında” Sərəncam imzalayıb. Avtosfer.az xəbər verir ki, 4 min nəfər əhalinin yaşadığı 3 yaşayış məntəqəsini birləşdirən Yenikənd-Köbər-Qaraağaclı avtomobil yolunun tikintisi məqsədilə Azərbaycan Avtomobil Yolları Dövlət Agentliyinə 4 milyon manat ayrılıb. Bu məbləğ Azərbaycan Respublikasının 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitdən təmin ediləcək.