Saray körpüsü bu tarixdə istifadəyə veriləcək

Bir müddət öncə məşhur Saray körpüsündə söküntü işlərinə başlanılıb. Söküntü işləri ilə əlaqədar ərazidə yaşayan sakinlərin yolları dəyişdirilib. Mənzil başına çatmaq üçün indi onlar daha çox yol qət etməli olurlar. Elə buna görə də sakinləri maraqlandıran bir sual var.

Saray körpüsündə aparılan təmir və tikinti işləri nə vaxt yekunlaşacaq?

Bununla bağlı Azərbaycan Avtomobil Yolları Dövlət Agentliyinə sual ünvanladıq.

Avtosfer.az-ın məlumatına görə, qurumun Mətbuat Xidmətinin rəhbəri Anar Nəcəfli Referans.az-a açıqlamasında qeyd edib ki, hazırda körpüdə tikinti işləri sürətlə davam edir.

“Artıq körpünün tikinti işləri başlanılıb. Hazırda körpüdə betonlama işləri aparılır. Qısa müddət ərzində çalışılacaq ki, ərazidə bütün işlər yekunlaşdırılsın”.

Qeyd edək ki, Saray körpüsünün aprel ayında tam istifadəyə verilməsi nəzərdə tutulur.