Seçki günü partlayış baş verdi: 15 ölü, 110 yaralı

Əfqanıstanda parlament seçkiləri zamanı 15 nəfər partlayışların qurbanı olub, daha 110 nəfər yaralanıb. Avtosfer.az "Report"a istinadən xəbər verir ki, bu barədə "Pajvak" agentliyi məlumat yayıb.

*** 13:18

Əfqanıstanın paytaxtı Kabil şəhərində seçki məntəqəsinin yaxınlığında baş vermiş partlayış nəticəsində 1 uşaq ölüb, 29 nəfər yaralanıb. Bu barədə "Emergency" qeyri-hökümət təşkilatından məlumat verilib.  "Mərkəzimizə indiyədək 30 xəstə daxil olub. Onlar arasında bir uşaq var ki, mərkəzə çatdırılanadək yolda dünyasını dəyişib", - təşkilatın "Twitter" səhifəsində qeyd olunub.

*** 12:00

Əfqanıstanın paytaxtı Kabil şəhərində seçki məntəqələrində bir neçə partlayış baş verib. İnsidentin digər təfərrüatı hələlik açıqlanmır. Qeyd edək ki, bu gün Əfqanıstan parlamentinin Aşağı Palatasına seçkilər keçirilir.