Şəhərdə böyük tıxac yaranıb - VİDEO

Bu dəqiqələrdə Bakı şəhəri üzrə bəzi küçə və prospektlərdə sıxlıq və tıxac müşahidə edilir.  Avtosfer.az “qafqazinfo”ya istinadən xəbər verir ki, Bakı Nəqliyyat Agentliyinin məlumatına əsasən, yollardakı sıxlıq və tıxac səbəbindən avtobusların təyin olunmuş interval üzrə hərəkətində ləngimələr qeydə alınır. Daha sıx tıxac Babək prospektində müşahidə olunur. Sosial şəbəkələrdə paylaşılan məlumata görə, artıq 1 saatdır ki, prospektin hər iki istiqamətində hərəkət tam dayanıb. Bildirilir ki, avtomobillər əks yolla şəhərə doğru hərəkət etməyə çalışıblar və həmin yolda da tıxac yaranıb. Qeyd edək ki, bu gün Bakıda VI Bakı Beynəlxalq Humanitar Forumu keçirilir.