Şəkidə itkin düşən 20 yaşlı qadın evinə qayıdıb

Şəki rayonunda itkin düşən 20 yaşlı qadın evinə qayıdıb. Avtosfer.az-ın "Report"a istinadən məlumatına görə, Çiçək Zülfiqar qızı Məmmədova hazırda ailəsinin yanındadır. Məlumata görə, o, ailədaxili münaqişə səbəbindən evlərini tərk edərək Yevlax rayonuna gedibmiş.

***15:33
Şəki rayonunda 20 yaşlı qadın itkin düşüb. Şəki şəhər sakini, 1998-ci il təvəllüdlü Çiçək Zülfiqar qızı Məmmədova oktyabrın 29-da evdən çıxaraq naməlum istiqamətə gedib və bir daha geri qayıtmayıb. Bu barədə rayonun Daşbulaq kənd sakini, Xalid Zülfiqar oğlu Məmmədov rayon hüquq-mühafizə orqanlarına müraciət edərək bacısının itkin düşməsi ilə bağlı məlumat verib.  Ç.Məmmədovanın ailəli olduğu bildirilir. Hazırda 20 yaşlı qadının tapılaraq ailəsinə təhvil verilməsi istiqamətində əməliyyat tədbiri aparılır.