Şəkidə quru ot yüklənmiş yük maşını yanıb

Şəkidə yük maşını yanıb. APA-nın Şəki-Zaqatala bürosunun məlumatına görə, bu gün saat 15:25 radələrində rayonun Baş Göynük kəndi ərazisində rayon sakini, 1975-ci il təvəllüdlü Eldar Rəşid oğlu Həsənovun idarə etdiyi “QAZ 66” markalı, 55 BZ 488 dövlət nömrə nişanlı yük maşınında yanğın baş verib. Hadisə yerinə Fövqəladə Hallar Nazirliyinin (FHN) Şəki rayon Dövlət Yanğından Mühafizə Hissəsinin texnikaları  və şəxsi heyətləri cəlb edilib. Yanğın nəticəsində yük maşınının yanar konstruksiyaları və  maşının banına yığılmış 1 tondan çox quru otun xeyli hissəsi yanıb. Yanğın zamanı xəsarət alan olmayıb.

Faktla bağlı araşdırma aparılır.