Şəkidə usta təmir zamanı hündürlükdən yıxılaraq ölüb

Şəki rayonunda usta təmir zamanı hündürlükdən yıxılaraq ölüb. Avtosfer.az-ın “Report”a istinadən məlumatına görə, hadisə Şəki şəhərinin M.Ə.Rəsulzadə küçəsi, ev 63 ünvanında baş verib. Həmin ünvanda hündürlükdə təmir işləri aparan rayonun İncə Zunud kənd sakini, 1966-cı il təvəllüdlü Kərəm Beydi oğlu Qarayev ehtiyatsızlıqdan yıxılıb. Ağır bədən xəsarətləri alan K.Qarayev travmatik şok vəziyyətdə Şəki Rayon Mərkəzi Xəstəxanasına aparılıb.  Xəstəxanadan bildirlib ki, K.Qarayev xəstəxanaya daxil olduqdan bir-neçə dəqiqə sonra aldığı xəsarətlərdən ölüb. Faktla bağlı araşdırma aparılır.