Sel İranı "yudu" - 400 min dollara yaxın ziyan

Sel İranın iki rayonuna 400 min dollara yaxın ziyan vurub. Avtosfer.az Trend-ə istinadən xəbər verir ki, son 2 sutka ərzində sel nəticəsində İranın Qainat və Zirkuh rayonlarında kənd təsərrüfatına dəyən ziyanın həcmi 16 milyard 340 milyon rialdır (təxminən 389 min 47 dollar). Həmin rayonların qubernatoru Məhəmməd Kərimi deyib ki, sel, əsasən, su kanalllarını, kənd yollarını dağıdıb, bundan başqa zirinc məhsuluna ciddi ziyan vurub. Yağıntıların bölgədə cümə gününə qədər davam edəcəyi proqnozlaşdırılır.