Şəmkirdə yol qəzasına düşən qadın beş gün sonra evində ölüb

Şəmkir rayonunda yol qəzasına düşən qadın beş gün sonra evində ölüb.  Avtosfer.az xəbər verir ki, bu barədə Daxili İşlər Nazirliyi məlumat yayıb. Belə ki, noyabrın 23-də saat 13 radələrində Şəmkir rayonu ərazisində şəhər sakinləri İkram Məmmədovun idarə etdiyi “Pejo” və Maarif Məmmədovun idarə etdiyi “VAZ-21011” markalı avtomobillər toqquşub. Nəticədə M.Məmmədova və İ.Məmmədovun sərnişini, arvadı Xanım Məmmədova xəsarət alıblar. Onlara xəstəxanada ilkin tibbi yardım göstərildikdən sonra buraxılıblar.  X.Məmmədova noyabrın 28-də yaşadığı evdə ölüb. Şəmkir Rayon Polis Şöbəsi tərəfindən araşdırma aparılır.