SEPAH "USS Abraham Lincoln" aviadaşıyıcısına zərbə endirib - YENİLƏNİB

ABŞ Silahlı Qüvvələrinin Mərkəzi Komandanlığı (CENTCOM) İranın İslam İnqilabı Keşikçiləri Korpusunun (SEPAH) "Abraham Lincoln" aviadaşıyıcısının ballistik raketlərlə vurulması barədə iddiasını rəsmi şəkildə təkzib edib.

Avtosfer.az xəbər verir ki, bu barədə CENTCOM "X" sosial şəbəkə hesabında açıqlama yayıb.

Məlumata görə, gəmi istiqamətində buraxıldığı iddia edilən raketlər hətta yaxın məsafəyə belə çatmayıb və aviadaşıyıcı regiondakı əməliyyatlar çərçivəsində döyüş tapşırıqlarını yerinə yetirməyə davam edir.

***21:33

İslam İnqilabı Keşikçiləri Korpusu (SEPAH) ABŞ Hərbi Dəniz Qüvvələrinə məxsus "USS Abraham Lincoln" aviadaşıyıcısına dörd ballistik raketlə zərbə endirib.

Avtosfer.az TASS-a istinadən xəbər verir ki, bu barədə SEPAH-ın mətbuat xidməti məlumat yayıb.

"İran İslam Respublikasının silahlı qüvvələrinin qətiyyətli fəaliyyəti nəticəsində ABŞ Hərbi Dəniz Qüvvələrinin "USS Abraham Lincoln" aviadaşıyıcısı dörd ballistik raketlə atəşə tutulub", - deyə İran dövlət televiziyası korpusun bəyanatından sitat gətirib.