Sərnişinlər metro tunelində qaldı, aktrisa... - Bakıda

Bakı metrosunda sərnişinlər növbəti dəfə tuneldə qalıblar. Avtosfer.az "ölkə.az"a istinadən bildirir ki, bu barədə aktrisa Mətanət Əhmədova (Eres) sosial şəbəkədə yazıb: "Yenə qalmışıq metroda-tuneldə. Hamıdan su axır. "28 May" və "Nizami" stansiyalarının arasındayıq". "Bakı Metropoliteni"nin mətbuat xidmətinin rəhbəri Bəxtiyar Məmmədov bildirib ki, qatar işıqforun icazəsini gözlədiyi üçün bir neçə saniyəlik dayanmalı olub: "Öndə sınaq qatarı gedib. Təxminən 20-40 saniyə arasında qatar tuneldə işıqforun icazəsini gözləyib. Heç bir narahatçlıq yoxdur".