Sərnişinləri təhlükəyə atan avtobus sürücüsü işdən çıxarıldı - FOTO + VİDEO

Bakının Yasamal rayonu ərazisində 211 saylı marşrut üzrə hərəkət edən avtobusun sürücsü işdən çıxarılıb. Avtosfer.az xəbər verir ki, bu barədə realtv.az saytına Bakı Nəqliyyat Agentliyindən məlumat verilib. BNA-dan bildirilib ki, məsələ ilə bağlı realtv.az saytında gedən məlumat dərhal nəzarətə götürüldü. Və daşıyıcı BNA-ya çağırıldı. Sürücü Mahmudov İlkin Famil oğlu sərnişinlərin həyatını təhlükəyə ataraq kobud qayda pozuntusuna yol verdiyi üçün daşıyıcı tərəfindən dərhal işdən azad edilib. Xatırladaq ki, sentyabrın 19-da Bakının Yasamal rayonunda 211 saylı marşrut üzrə hərəkət edən 10 TF 967 dövlət nömrə nişanlı “Daewoo” markalı avtobus səhər saatlarında - nəqliyyatın gur vaxtında bir neçə dəfə qarşı hərəkət zolağına çıxmaqla təhlükəli vəziyyət yaradıb.