Səsvermə zamanı dava düşdü - 2 nəfər saxlanıldı

Gürcüstanda Marneuli şəhərinin İmiri kəndində seçkilər zamanı hakim “Gürcüstan arzusu” partiyası ilə müxalif “Milli Hərəkat partiyası”nın üzvləri arasında dava düşüb. Avtosfer.az “qafqazinfo”ya istinadən xəbər verir ki, bu barədə Gürcüstanın Daxili İşlər Nazirliyi məlumat yayıb. Bildirilir ki, 59-cu seçki komissiyasının üzvlərinin hər ikisi polis tərəfindən saxlanılıb. Əvvəlcə onlara sakitləşmək barədə xəbərdarlıq edilsə də, dava edən tərəfləri ayırmaq mümkün olmayıb. Onlar inzibati məsuliyyətə cəlb olunublar. Partiya üzvlərini 371 dollardan 1400 dollaradək cərimə gözləyir. Əks halda, asayişi pozanlar 2 ilədək həbs oluna bilərlər.