“Şimal-Cənub” sərhəd-keçid məntəqələrində problemlər var”

“Şimal-Cənub” beynəlxalq nəqliyyat dəhlizinin iştirakçısı olan ölkələrin gömrük qaydaları eyni olmalıdır”. Bunu "Report"a açıqlamasında Hindistanın qlobal limanlar üzrə icraçı direktoru Arun Kumar Gupta deyib. “Sərhəd-keçid məntəqələrində problemlər mövcuddur. Tranzit kimi istifadə olunan dəhlizdə gömrük prosedurları sadə olmalıdır ki, daşımaya sərf olunan vaxt az olsun, 15 günü keçməsin. Yalnız bu halda müştəri cəlb etmək olar. Bütün ölkələr problemləri müəyyənləşdirməli və aradan qaldırmalıdırlar", - deyə o qeyd edib.