Şimal-Cənub yolunun tikintisi zamanı dövlət vəsaiti mənimsənilib

Ermənistanda Şimal-Cənub avtomobil magistralının tikintisi zamanı dövlət vəsaiti mənimsənilib. Avtosfer.az “Report”a istinadən xəbər verir ki, bu barədə ölkənin Baş Prokurorluğunun Mətbuat xidmətindən məlumat verilib. Aparılan yoxlamalar zamanı işlərin keyfiyyətlə, müasir səviyyədə aparılmadığı və vaxtında başa çatdırılmadığı, bunun nəticəsində dövlətə 23,5 milyard dram, yəni, təqribən, 48 milyon ABŞ dolları həcmində maddi ziyan vurulduğu ortaya çıxıb. Həmçinin layihənin birinci mərhələsində tikinti işlərinə texniki nəzarəti həyata keçirən Fransa şirkətinin rəhbəri iş icraçısı olan İspaniya şirkətinin rəhbəri və dövlət məmurları ilə əlbir olub sənədlərin saxtalaşdırılması yolu ilə 1,9 milyon dollaradək dövlət vəsaitlərini ələ keçirib. Fransa şirkətinin rəhbəri şübhəli şəxs qismində cəlb edilməklə barəsində xaricə getməmək qəti imkan tədbiri seçilib, istintaq aparılır.