Şöbə müdiri: "Xəzər dənizində kruiz səfərlərinin marşrutu hövzə ölkələri ilə razılaşdırılmalıdır"

"Xəzər dənizində təşkil olunacaq kruiz səfərlərinin marşrutu hövzə ölkələri ilə razılaşdırılmalıdır". "Report" xəbər verir ki, bunu Mədəniyyət və Turizm Nazirliyinin Turizm şöbəsinin müdiri Aydın İsmiyev deyib. Onun sözlərinə görə, hər bir ölkə öz marşrutunu təqdim edəcək və sonda vahid bir marşrut hazırlanacaq.

A.İsmiyev qeyd edib ki, son 2-3 ildə ərəb ölkələrindən gələn turistlərin sayı artıb: "Beynəlxalq sərgilərin turist artımına təsiri var. Nazirlik bu kimi sərgiləri hər zaman dəstəkləyib və dəstəkləməkdə davam edəcək".