Soçidən Bakıya aviareys açılacaq - Gələn ay

Rusiyanın "Ural Hava Yolları" şirkəti noyabrın 3-dən Soçi-Bakı-Soçi marşrutu üzrə aviareyslərin yerinə yetirilməsinə başlayacaq.  Avtosfer.az-ın "Report"a istinadən xəbər verir ki, uçuşlar hər həftənin şənbə günü "Airbus A-320" markalı təyyarələrlə həyata keçiriləcək.Təyyarə Soçidən saat 18:30-da havaya qalxacaq və saat 21:20-də Bakıya çatacaq. Azərbaycan paytaxtındakı geriyə dönüş isə saat 22:20-də baş tutacaq və təyyarə saat 23:15-də Soçiyə çatacaq. Birtərəfli bilet üzrə minimal tarif 8 154 rubl (təxminən, 210-220 manat) təşkil edəcək.