Son həftə ərzində 140 qanunsuz miqrant saxlanılıb

Son həftə ərzində Dövlət Miqrasiya Xidməti tərəfindən qanunsuz miqrasiyaya qarşı keçirilmiş tədbirlər zamanı 140 nəfər əcnəbi saxlanılıb. Qurumdan Avtosfer.az-a verilən məlumata görə, onlardan 3 nəfər Daxili İşlər Nazirliyi ilə keçirilən birgə tədbirlər zamanı aşkarlanıb.

Saxlanılan 9 nəfərin gəlişinin bəyan edilmiş məqsədinə uyğun olmayan fəaliyyətlə məşğul olması, 2 nəfərin qeydiyyat ünvanı üzrə yaşamadığı, digər 129 nəfərin isə ölkə ərazisində qanunsuz yaşadıqları müəyyən edilib. Saxlanılmış əcnəbilərdən 114 nəfər barəsində inzibati qərarlar qəbul edilmiş, digər 26 nəfərin isə Azərbaycan hüdudlarından kənara çıxarılması istiqamətində müvafiq tədbirlər görülür.